شاعری میں بھی سلطنت رکھی ‏

ہم نے لفظوں میں ملکیت  رکھی 

شاعری میں بھی سلطنت  رکھی 

رب نے سب کچھ عطا کیا اس کو 

جس نے  سدا  اچھی  نیت  رکھی 

پیار   حد   سے   کیا    زیادہ    پر 

ہم   نے  اپنی  بھی  اہمیت  رکھی 

گھر   میں  دیوار  پڑ  گئی  جیسے 

باپ  نے  مر کے اس پہ چھت رکھی

میں نے بچوں کو بھی پڑھایا اور 

جینے مرنے کی بھی  بچت  رکھی 

وہ جو خود کو خدا  سمجھتا  تھا

اس نے  میری  بھی خیریت رکھی 

ہوں میں ممنون  اپنے  دشمن  کا 

ایک  اس  نے  ہی   اصلیت  رکھی 

دل  کو  تو   ٹوٹنا  ہی تھا اک دن

اس نے جب  نیو ہی  غلط  رکھی 

اور    باقی    نہی   کوئی  حسرت

ایک بس چائے ہی  کی  لت  رکھی

#Frankhasrat